ааааааааМузей-сядзіба Францішка Багушэвіча “Кушляны” ккккккккМузей-сядзіба Міцкевічаў “Завоссе” еееееееееЛітаратурны музей Кузьмы Чорнага нннннннннЛітаратурны музей Максіма Багдановіча гггггггЛітаратурны музей Петруся Броўкі иииииииМузей-дача “Васіля Быкава” шшшшшшшшБеларуская хатка ккккккХата-музей Пятруся Броўкі ппппппппФальварак “Ракуцёўшчына”

Адкрый для сябе скарбы нацыянальнай літаратуры

Каб паўтарацца,

 Усё міне.

 Ніколі не старэе стома.

 Хто будзе мной

 Пасьля мяне,

 Я ведаю,

 Каму вядома…

                                                 Рыгор Барадулінkamocki

6 мая 2015 года ў 18:00 Дзяржаўны музей гісторыі беларускай літаратуры запрашае на мерапрыемства “Жыцьцё паўторыцца вераю…”, прымеркаванае да закрыцця выставы “Рыгор Барадулін. Прыходзім, каб знайсці сябе ў жыцьці…”, створанай да 80-годдзя з дня нараджэння творцы.

Дзякуючы выставе на працягу некалькіх месяцаў наведвальнікі змаглі прасачыць жыццёвы і творчы шлях народнага паэта Беларусі Рыгора Барадуліна, адчуць шматграннасць і незвычайнасць таленту гэтай асобы. Перад сучаснікам пісьменнік паўстаў як сын, каханы, бацька, дзед, пісьменнік, сябар, грамадзянін сваёй Бацькаўшчыны, чалавек моцна ўлюблёны ў сваю родную Вушаччыну.

Талент Рыгора Барадуліна адзін з самых значных і самабытных у сучаснай беларускай паэзіі. Невыпадкова, што да яго творчасці звярталіся многія музыканты, у тым ліку знакаміты беларускі бард Алесь Камоцкі, які стварыў на вершы Рыгора Барадуліна два альбомы: “Зорка спагады” (1999 г.) і “Псалмы” (2000 г.). Для выканаўцы народны паэт Беларусі быў не толькі жыццёвым настаўнікам, але і сапраўдным сябрам.

У межах мерапрыемства адбудзецца канцэрт Алеся Камоцкага, прысвечаны светлай памяці Рыгора Барадуліна. Атмасферу вечара створаць песні на вершы паэта ў выкананні барда і цёплыя ўспаміны.

Усіх аматараў і прыхільнікаў творчасці Рыгора Барадуліна і музычнага таленту Алеся Камоцкага запрашаем у Літаратурны музей Максіма Багдановіча (вул.М.Багдановіча, 7 а).

Уваход вольны!

Апошнія навіны